పేగుల్లో హానిక‌ర బ్యాక్టీరియాను తొల‌గించే స‌రికొత్త వైరస్ సృష్టి!
దిశ, వెబ్‌డెస్క్ః శ‌త‌కోటి రోగాల‌కు అనంత కోటి చికిత్సా మార్గాలు వేగంగానే వ‌స్తున్నాయి. సైన్స్ అభివృద్ది చెందుతున్న కొద్దీ మ‌నిషిలోని అనారోగ్య స‌మ‌స్య‌ల‌పై తీవ్రంగా పరిశోధనలు నిర్వ‌హిస్తున్నారు. ఇందులో భాగంగా, ఇజ్రాయెల్ పరిశోధకులు పేగు వ్యాధులను ఎదుర్కోవడానికి బ్యాక్టీరియాతో పోరాడే వైరస్‌ను రూపొందించాలని లక్ష్యంగా పెట్టుకున్నారు. ఈ క్ర‌మంలో రెండు వేర్వేరు వైరస్ "కాక్టెయిల్స్" దశ 1 క్లినికల్ అధ్యయనాలు నిర్వహించారు. ఇందులో భాగంగా దాని ప్రాథమిక పరిశోధనలు ఆశాజ‌న‌కంగా ఉన్నాయ‌ని సూచించారు. దీని సంబంధించిన విట్రో, జంతు పరీక్షల్లో గణనీయమైన ఫ‌లితాలు సాధించిన‌ట్లు, ఇందులో యాంటీ బాక్టీరియల్‌ను కొనుగొన్న‌ట్లు ప్ర‌క‌టించారు.
జర్నల్ సెల్‌లో ప్రచురించిన పీర్-రివ్యూడ్ పరిశోధన ప్రకారం, క్రోన్స్‌కు సంబంధించిన వ్యాధి, వ్రణోత్పత్తికి చెందిన పెద్ద ప్రేగు శోథ ఉన్నవారి కడుపులో ప్రబలంగా ఉండే క్లెబ్సియెల్లా న్యుమోనియా అనే బాక్టీరియం మొత్తాన్ని ఈ స‌రికొత్త వైరస్ గణనీయంగా తగ్గించిన‌ట్లు క‌నుగొన్నారు. అయితే, ఇది ఇటీవల కాలంలో మొద‌లుపెట్టిన పరిశోధన కాదు. 20వ శతాబ్దం ప్రారంభంలోనే దీనిపై విస్తృతమైన పరిశోధనలు మొద‌ల‌య్యాయ‌ని శాస్త్ర‌వేత్త‌లు వెల్ల‌డించారు. అయితే, ఈ ఫేజ్‌లు ఇప్పుడు బ్యాక్టీరియాతో పోరాడగలవా, ఆచరణాత్మక వాతావరణంలో ఆరోగ్యాన్ని మెరుగుపరుస్తాయో లేదో తెలుసుకోవడానికి మరిన్ని క్లినికల్ పరీక్షలు చేస్తున్నట్లు పేర్కొన్నారు.
